"ELEKTRON TƏHSİL" RESPUBLİKA MÜSABİQƏSİ
Menu

Xəbərlər

"ELEKTRON TƏHSİL" RESPUBLİKA MÜSABİQƏSİNİN I MƏRHƏLƏSİ BAŞA ÇATIB.

8 şərh

"ELEKTRON TƏHSİL" RESPUBLİKA MÜSABİQƏSİNİN I MƏRHƏLƏSİ BAŞA ÇATIB.

Müsabiqənin I mərhələsinə 1313 layihə təqdim olunub. Onlardan 93-ü müsabiqənin şərtlərinə uyğun olmadığı üçün qəbul edilməyib.

Yekun olaraq, musabiqəyə 1220 layihə qəbul edilib. Onların 744-ü müəllimlər, 438-i sagirdlər, 38-i isə məktəblərin inzibati heyətləri tərəfindən göndərilib. Layihələr ümumi mərhələdə müəyyən olunmuş meyarlar üzrə qiymətləndirlmək üçün müsabiqənin Ekspert Komissiyasına təqdim olunub. İkinci mərhələnin nəticəsi və nominantların adları cari ilin noyabr ayının sonunda elan ediləcəkdir.

Təhsildə informasiya texnologiyalarının tətbiqinə həsr olunmuş müsabiqə “Müəllim”, “Şagird” və “Məktəb” istiqamətləri üzrə 6 nominasiyada təşkil olunub.

Müsabiqənin keçirilməsində əsas məqsəd tədris prosesində informasiya texnologiyalarından fəal istifadə edən müəllimləri həvəsləndirmək və fəaliyyətlərini dəstəkləmək, ən yaxşı elektron tədris vəsaitlərini geniş istifadəçi auditoriyasına tanıtmaq, internetin imkanlarından (bloqlar, saytlar, sosial şəbəkələr və s.) istifadə etməklə həyata keçirilən yeni tədris üsulları barədə ölkənin təhsil ictimaiyyətini məlumatlandırmaq, müəllimləri tədris prosesində İKT-dən fəal istifadəyə cəlb etmək, tədris məqsədləri üçün İKT-nin tətbiqinin yeni formalarını araşdırmaq, təhsil müəssisələrində elektron resurslardan istifadəni genişləndirmək, müəllim və şagirdləri elektron resurslar yaratmağa və hazır resurslardan istifadəyə həvəsləndirməkdən ibarətdir.

Müsabiqə “Dr. Web”, “AzEduNet”, “Ultra”, “Edumediya-Azərbaycan”, “Nar” mobil operatoru və "Təhsildə İnnovativ Texnologiyar" Əlavə Təhsil Mərkəzi tərəfindən dəstəklənir.

Müsabiqədə qaliblərə noutbuklar, planşetlər, printerlər və digər xüsusi mükafatlar təqdim olunacaqdır.

Qeyd edək ki, 2010-cu ildən təşkil edilən müsabiqəyə indiyə qədər ümumilikdə, 6000-dən artıq layihə təqdim olunub.


Paylaş


Şərhlər

Osmanova Məlahət

21 Noy 2016 18:00

Səbirsizliklə  gözləyirəm .Hami  kimi  bu  işdə  çox  əziyyət  çəkmişəm .Hər kəsə uğurlar .İnşallah  düzgün  qərar  qəbul edib  haqq  edəni  seçərlər  .

Məhəbbət

19 Noy 2016 01:00

Bu mübarizə mənə agır başa gəldi.Yamanca xəstələndim.Hər şey Allahın əlindədir.Qismətində olan aparsın.Halal xoşu.

Ad

19 Noy 2016 01:00

Bu mübarizə mənə agır başa gəldi.Yamanca xəstələndim.Hər şey Allahın əlindədir.Qismətində olan aparsın.Halal xoşu.

Zaur

14 Noy 2016 10:00

SALAM BIZ NECƏ BİLƏRİK Kİ, BİZİM İŞİMİZ BİRİNCİ MƏRHƏLƏDƏN KEÇİB....

Toğrul

9 Noy 2016 23:00

Hər kəsə uğurlar, özümdə daxil olmaq şərti ilə. Kim layiqdi oda qalib kimi mükafatlandırılsın...

Gülnar

7 Noy 2016 20:00

Salam!Hər kəsə uğur arzulayıram.İnşallah layiq olan qazansın.Çox arzu edirəmki bu ilin qalibləri arsında mənim adımda olacaq.Əvvəlcədən biz gənclərə bu cür şərait yaratdığınız üçün təşəkkürümü bildirirəm.

reqsane

5 Noy 2016 21:00

haqq eden qazansın!!!

Araz

4 Noy 2016 16:00

Salam!
Hər kəsə uğurlar. İnşallah mənim də təqdim etdiyim işim qaliblər sırasında olar...


Şərh əlavə et

CAPTCHA